ताजा

सिंहदरबारभित्रै चोरी, कर्मचारी पक्राउ

Published On: December 17, 2017 || 2074 पौष 2 आइतबार , at 2:29 PM

काठमाडौं । कर्मचारीले नै सिंहदरबारभित्रका गाडिको टायर चोरी गरेको खुलेको छ ।  चोरी भएका टायर बरामद गरी चोरीमा संलग्न सरकारी चालकमाथि प्रहरी अनुसन्धान अघि बढाएको छ ।

शनिबार चोरी भएका चारै वटा टायर प्रहरीले शंखमुलस्थित  बराही टायर सेन्टरबाट बरामद गरेको छ । सिसिटिभीको आधारमा अनुसन्धान गरी चोरी घटना पत्ता लागेको हो । ‘चोरी भएका चारै वटा टायर ग्यारेजमा भेटिसकेका छौं,’ सिंहदरस्थित सुरक्षा गणका डिएसपी प्रेम जोशीले  भने,‘चोरी गर्ने व्यक्ति पनि पत्ता लागिसकेको छ,  पक्राउ गरी अनुसन्धान गरिरहेका छौं ।’ चोरी गर्ने व्यक्ति सिंहदरबाभित्रै काम गर्ने चालक भएको अनुसन्धानमा खुलेको छ ।

स्थानीय विकास मन्त्रालयको परिसरमा रहेको टोयटा हाइलेक्स गाडिको चार वटै टायर चोरी भएका हुन् ।
डिएसपी जोशीका अनुसार शनिबार साँझ टायर चोरी गरेको र आइतबार बिहान लगेर ग्यारेजमा बिक्रि गरेको खुलेको छ । ग्यारेजका संचालकलाई समेत प्रहरीले अनुसन्धानका लागि पक्राउ गरेको छ ।

सम्बन्धित